Статті в журналах з теми "Miðlar"
Щоб переглянути інші типи публікацій з цієї теми, перейдіть за посиланням: Miðlar.
Оформте джерело за APA, MLA, Chicago, Harvard та іншими стилями
Ознайомтеся з топ-50 статей у журналах для дослідження на тему "Miðlar".
Біля кожної праці в переліку літератури доступна кнопка «Додати до бібліографії». Скористайтеся нею – і ми автоматично оформимо бібліографічне посилання на обрану працю в потрібному вам стилі цитування: APA, MLA, «Гарвард», «Чикаго», «Ванкувер» тощо.
Також ви можете завантажити повний текст наукової публікації у форматі «.pdf» та прочитати онлайн анотацію до роботи, якщо відповідні параметри наявні в метаданих.
Переглядайте статті в журналах для різних дисциплін та оформлюйте правильно вашу бібліографію.
1
Kolbeins, Guðbjörg Hildur. "Icelandic media firms viewed from the perspective of agency theory." Veftímaritið Stjórnmál og stjórnsýsla 11, no. 1 (June 15, 2015): 1–20. http://dx.doi.org/10.13177/irpa.b.2015.11.1.1.
Повний текст джерелаАнотація:
It has previously been proposed that agency theory (principal-agent approach) might be applied to media organizations to understand how media owners make sure that their companies are managed according to their wishes. Thus, the purpose of the present study was to investigate: a) whether agency theory is applicable to three Icelandic media companies, and b) how the theory manifests itself in the management practices of these companies. The media companies that were examined were: the Icelandic National Broadcasting Service (RÚV ohf.), 365 miðlar ehf. and Árvakur hf. Qualitative interviews were conducted with three editors-in-chief, two CEOs/publishers, the director general of RÚV and the news director of RÚV in May of 2012. Two of the interviewees were also part- owners of the media companies. The results indicated that it is, indeed, possible to analyze management practices of media organizations from the perspective of agency theory. However, it varies how much the companies are driven by profit maximization, for instance – on which agency theory places an optimum emphasis. The media house 365 miðlar ehf. turned out to be the best example of how the underlying constructs of agency theory are incorporated into the management practices of a media organization.
2
Stefánsdóttir, Elín Greta, and Ingi Rúnar Eðvarðsson. "Eldri starfmenn og yfirfærsla þekkingar í orkufyrirtækjum." Tímarit um viðskipti og efnahagsmál 13, no. 2 (December 15, 2016): 71. http://dx.doi.org/10.24122/tve.a.2016.13.2.4.
Повний текст джерелаАнотація:
Markmið greinarinnar er að kynna rannsókn á því hvernig íslensk orkufyrirtæki standa að yfirfærslu þekkingar eldri starfsmanna til þeirra yngri áður en þeir fyrrnefndu hætta störfum. Efnið hefur lítið verið rannsakað hér á landi og er rannsókninni ætlað að bæta við fræðilega umfjöllun á sviðinu, auka vitund fyrirtækja um mikilvægi yfirfærslu þekkingar og til að stjórnendur geti nýtt niðurstöðurnar í starfi sínu. Rannsóknin byggðist á hálfstöðluðum viðtölum við 18 verk- og tæknifræðinga og stjórnendur. Helstu niðurstöður eru að íslensk orkufyrirtæki hafa ekki mótað markvissa stefnu um yfirfærslu og varðveislu þekkingar, þó svo að sum þeirra hafi hafið undirbúning hennar. Viðmælendur voru sammála um að besta aðferðin við yfirfærslu þekkingar væri að eldri og yngri starfsemenn ynnu saman að verkefnum. Forsenda þess að þar takist vel til er vilji einstaklinga til að miðla, traust og gott samband á milli eldri og yngri starfsmanns og nálægð hvors við annan. Einnig þurfa stjórnendur að hvetja til miðlunar þekkingar. Helstu hindranirnar við miðlun þekkingar voru tímaskortur, verkefnaálag og skortur á markvissu verklagi. Ekki var mikill munur á viðhorfi eldra og yngra starfsfólks til þeirra þátta sem snúa að yfirfærslu þekkingar.
3
Tómasson, Helgi. "Saga og eiginleikar danskra íbúðalána." Tímarit um viðskipti og efnahagsmál 13, no. 2 (December 15, 2016): 1. http://dx.doi.org/10.24122/tve.b.2016.13.2.1.
Повний текст джерелаАнотація:
Danskur skuldabréfamarkaður er mjög þróaður og hlutfallslega stór miðað við umfang hagkerfisins. Rætur hans liggja í langri regluhefð stofnana sem sýsla með veðlán. Í þessari grein er rakin saga tegundar skuldabréfa sem ganga undir heitinu realkredit-skuldabréf. Þannig bréf eiga sér langa hefð í Danmörku en eru lítt þekkt utan Danmerkur. Markmið útgáfunnar er að miðla markaðsvöxtum beint til lántaka þannig að þeir nái sem hagstæðustum vöxtum. Þessi tegund skuldabréfa er notuð til að fjármagna fasteignir, bæði í íbúðar- og atvinnuhúsnæði. Dregin er upp mynd af 200 ára þróun vaxta og fjármálaafurðum. Tengslum vaxtaþróunar, greiðslubyrði lána og fasteignaverðs á tímabilinu 1992-2013 er lýst og borið lauslega saman við íslenska þróun. Nokkrir þættir í samspili við bankakerfi og Evrópusambandið eru raktir.
4
Pálsson, Finnur, Helgi Björnsson, and Hannes H. Haraldsson. "Samstarf Landsvirkjunar og Jarðvísindastofnunar Háskólans um jöklarannsóknir 1978 til 2022 (Glaciological research 1978–2022)." Jökull 72, no. 1 (December 15, 2022): 87–102. http://dx.doi.org/10.33799/jokull2022.72.087o.
Повний текст джерелаАнотація:
Samstarf Landsvirkjunar (LV) og jöklahóps Raunvísindastofnunar (RH) og síðar Jarðvísindastofnunar Háskólans (JH), hefur staðið í nærri fjóra áratugi, og á margan hátt lagt grunn að alhliða og sértækri þekkingu á jöklum Íslands, eðli þeirra, stærð og langtíma breytingum. Við upphaf þessa samstarfs um miðjan áttunda áratug 20. aldar var þekking á jöklum landsins mjög takmörkuð. Flatarmál jöklanna var sæmilega þekkt en hæð þeirra og lögun síður og ísþykkt aðeins í stöku punktum frá því jarðsveiflumælingar höfðu verið gerðar um miðja 20. öld. Hæðarlínur á landakortum voru enn þær sömu og dregnar voru á kort Dana og Bandaríkjamanna skömmu fyrir og eftir seinni heimsstyrjöld. Fyrir ofan 1000 m hæð höfðu kortin reyndar aldrei sýnt annað en grófar ágiskanir um hæð og lögun yfirborðs. Jaðrar jöklanna höfðu þó öðru hvoru verið endurskoðaðir þegar kort voru endurprentuð, en þó sjaldan svo að greinilega kæmi fram frá hvaða tíma nýr jaðar væri. Eftir 1970 voru síðan gerð kort af blásporðum nokkurra skriðjökla með nákvæmum landmælingum, ýmist á vegum LV eða Raforkumálastjóra (síðar Orkustofnunar). Meðalþykkt jökuls hafði þá einnig verið metin með þyngdarmælingum á nokkrum sniðum á Vatnajökli. ...
5
Guðmundsson, Birgir, Jón Gunnar Ólafsson, and Valgerður Jóhannsdóttir. "Íslenskir blaðamenn í breyttum heimi: Aukin áhersla á klassísk gildi en undir vaxandi þrýstingi." Icelandic Review of Politics & Administration 20, no. 1 (June 20, 2024): 25–48. http://dx.doi.org/10.13177/irpa.a.2024.20.1.2.
Повний текст джерелаАнотація:
Í þessari grein er fjallað um rannsókn á viðhorfum íslenskra blaðamanna til hlutverks síns í samfélaginu og upplifun þeirra af utanaðkomandi þrýstingi á störf sín. Fjölmiðlaumhverfið á Íslandi hefur gengið í gegnum miklar breytingar á undanförnum árum sem hafa, eins og í öðrum löndum, breytt því hvernig fréttir eru búnar til, þeim dreift og hvernig lesendur nálgast fréttir og jafnframt vakið spurningar um hlutverk fjölmiðla. Vaxandi samkeppni um athygli fólks, áhrif netsins, samfélagsmiðla og áhrifamikilla tæknifyrirtækja hafa meðal annars leitt til fjárhagserfiðleika á íslenskum fjölmiðlamarkaði, gjaldþrota og uppsagna. Markmið rannsóknarinnar er að kanna hvort og þá hvernig þessar breytingar hafa haft áhrif á viðhorf blaðamanna til þess hvert þeir telja vera hlutverk sitt í samfélaginu og jafnframt hvort þeir telja utanaðkomandi þrýsting á dagleg störf sín hafa aukist. Rannsóknin felst í spurningakönnun sem lögð var fyrir blaðamenn vorið 2021 (n=239) og eigindlegum viðtölum við þrjátíu blaðamenn. Spurningakönnunin er hluti af alþjóðlegri samanburðarrannsókn, Worlds of Journalism Study (WJS), sem miðar að því að kortleggja starfsaðstæður blaðamanna, viðhorf og vinnuaðferðir þeirra. Niðurstöðurnar eru bornar saman við WJS könnunina frá árinu 2012 (n=209). Niðurstöður sýna að íslenskir blaðamenn leggja meiri áherslu á það nú en áratug áður að hlutverk þeirra sé fyrst og fremst að veita hlutlægar upplýsingar um það sem gerist í samfélaginu og að veita valdhöfum aðhald. Um leið er ljóst að þeir telja að utanaðkomandi þrýstingur á dagleg störf sín hafi aukist. Það á einkum við um blaðamenn á einkareknum miðlum, en síður um félaga þeirra á Ríkisútvarpinu.
6
Steinþórsdóttir, Finnborg Salome, and Gyða Margrét Pétursdóttir. "Vinnumenning sem grefur undan jafnréttismarkmiðum lögreglu: fjölgun kvenna í starfsumhverfi sem litað er af kynbundinni áreitni." Icelandic Review of Politics & Administration 20, no. 1 (June 20, 2024): 65–86. http://dx.doi.org/10.13177/irpa.a.2024.20.1.4.
Повний текст джерелаАнотація:
Í stefnumótun stjórnvalda á sviði kynjajafnréttismála lögreglu er lögð áhersla á að fjölga konum meðal lögreglumanna og í áhrifa- og stjórnunarstöðum lögreglumanna. Til að ná settum markmiðum hefur sjónum verið beint að fjölgun kvenna meðal lögreglunema en lítt verið hugað að brotthvarfi kvenna og neikvæðum þáttum í karllægri vinnumenningar lögreglunnar. Markmið rannsóknarinnar er að skoða hvernig stjórnvöldum miðar að því að ná settum markmiðum og greina möguleg áhrif kynbundinnar áreitni á þessi markmið, en slík áreitni hefur fengið litla athygli í rannsóknum. Rannsóknin byggir á tölulegum gögnum frá lögreglunni og spurningalistakönnun sem lögð var fyrir allt starfsfólk lögreglu árið 2022. Niðurstöðurnar sýna að þrátt fyrir að konum hafi fjölgað meðal lögreglumanna síðastliðin ár þá hefur konum ekki fjölgað í áhrifa- og stjórnunarstöðum líkt og miðað var að. Auk þess er óvíst hvort að markmiðið um fjölgun kvenna náist, en kynjabilið hefur aukist í lögreglunáminu og vísbendingar eru um óeðlilegt brotthvarf meðal kvenna. Stór hluti kvenna verður fyrir kynbundinni áreitni í starfi sínu og þá oftast af hendi karlkyns samstarfsmanna og karlkyns yfirmanna. Því drögum við þá ályktun að vinnumenning lögreglu grafi undan markmiðum stjórnvalda, því á sama tíma og áhersla stjórnvalda er að fjölga konum í lögreglunni að þá er umhverfið sem bíður þeirra til þess fallið að ýta þeim út aftur. Til að vinna gegn þessu þurfa stjórnvöld að bregðist við með aðgerðum sem stuðla að inngildandi starfsumhverfi fyrir allt starfsfólk lögreglu.
7
Magnussen, Eyðfinn, and Jens-Kjeld Jensen. "Breeding biology of the house sparrow (Passer domesticus) in the Faroe Islands / Nøringin hjá føroyska gráspurvinum (Passer domesticus)." Fróðskaparrit - Faroese Scientific Journal 58 (February 26, 2017): 125. http://dx.doi.org/10.18602/fsj.v58i0.65.
Повний текст джерелаАнотація:
<p><strong>A</strong><strong>bstract</strong>: The breeding biology of the Faroese house sparrow (<em>Passer domesticus</em>) is described based on the results from nestlings that were ringed just before they were fledging. By means of dates and numbers, the beginning and duration of the breeding seasons are determined and the reproductive output is estimated. Our study has shown that Faroese house sparrows produce two, occasionally three, broods annually. Overall, eggs of the first, second and third clutch are normally laid in the beginning of May, in the middle of June and in the beginning of July, respectively. In a season, a female produced 6.3 nestlings, on average. For the whole period, the average brood size was 3.5 nestlings. During the first part of the time series (19851989), the breeding season became earlier each year, but then to be later again in the years 1990 to 1992. The first clutch was laid more than five weeks earlier in 1989 than in 1985 and the second clutch almost seven weeks earlier.</p><p> </p><p><strong>Úrtak</strong>: Árini frá 1985 til 1992 vóru tilsamans 347 gráspurvaungar (<em>Passer domesticus</em>) merktir í bygdini Nólsoy, beint áðrenn teir vóru floygdir. Við at nýta dagfestingina tá ungarnir vórðu merktir og talið av ungum er ásett, nær og hvussu ofta gráspurvurin verpur og hvussu nógvar ungar hann fær hvørja ferð. Kanningarnar vísa, at føroyski gráspurvurin verpur tvær ferðir um árið, viðhvørt tó tríggjar ferðir: Fyrstu urptin er í byrjanini av mai mánað, tann næsta er um miðjan juni og triðja urptin í byrjanini av juli mánað. Hvør bøga fær í miðal 6,3 ungar um árið. Í miðal vóru 3,5 ungar í hvørjari urpt. Úrslit okkara vísa, at tey fyrstu árini varp gráspurvurin fyrr og fyrr, fyri hvørt árið. Hetta broyttist tó tey seinru árini sum kanningin vardi: Í 1989 vórðu fyrstu eggini vorpin meira enn fimm vikur fyrri enn í 1985, og næstu urptin næstan sjey vikur fyrr.</p>
8
Hermannsdóttir, Auður, and Karen Arnarsdóttir. "Gagnkvæmur ávinningur fyrirtækja og neytenda af sterkum vörumerkjasamfélögum." Tímarit um viðskipti og efnahagsmál 11, no. 1 (June 15, 2014): 24. http://dx.doi.org/10.24122/tve.a.2014.11.1.2.
Повний текст джерелаАнотація:
Fyrirtæki eru í auknum mæli farin að beita samfélagsmiðlum sem hluta af markaðstólum sínum, sér í lagi til að efla samskipti við neytendur. Vörumerkjasamfélög eru sérhæfð samfélög, byggð upp á samfélagsmiðlum í kringum félagsleg tengsl fylgjenda ákveðins vörumerkis eða fyrirtækis. Markmið rannsóknarinnar var að kanna hvort vörumerkjasamfélög geti skilað ávinningi bæði fyrir neytendur og fyrirtæki. Rafrænu hentugleikaúrtaki var beitt þar sem þátttakendur (N=247) tóku afstöðu til ýmissa fullyrðinga sem ætlað var að meta styrk vörumerkjasamfélags, virði fyrir neytendur og tryggð gagnvart fyrirtæki eða vörumerki. Niðurstöðurnar sýna að sterkt vörumerkjasamfélag, þar sem upplýsingum er miðlað og ýtt er undir þátttöku meðlima, skapar virði fyrir neytendur. Félagslegt tengslanet þeirra styrkist, þeir upplifa ávinning af þátttöku og sjá gagn í þeim upplýsingum sem miðlað er innan samfélagsins. Niðurstöðurnar sýna að virðið sem neytendur njóta vegna vörumerkjasamfélagsins leiðir til aukinnar tryggðar þeirra gagnvart viðkomandi fyrirtæki eða vörumerki. Aukin tryggð skapast ekki eingöngu vegna styrks samfélagsins heldur í gegnum það virði sem skapast fyrir neytendur. Þessar niðurstöður eru veigamiklar fyrir fyrirtæki og mikilvægt framlag til fræðanna um stjórnun vörumerkjasamfélaga. Líkt og í öðru markaðsstarfi er hér sýnt fram á að útgangspunkturinn þarf fyrst og fremst að vera viðskiptavinurinn og það virði sem skapað er fyrir hann. Sé hugað að auknu virði fyrir viðskiptavini í gegnum þátttöku í vörumerkjasamfélagi er það líklegt til að leiða til ávinnings fyrir fyrirtæki í formi aukinnar tryggðar.
9
Gestsdóttir, Hanna Dís, and Auður Hermannsdóttir. "Auglýsingar í hlaðvörpum: Áhrif trúverðugleika þáttastjórnenda og tengsl þeirra við hlustendur." Tímarit um viðskipti og efnahagsmál 18, no. 2 (December 20, 2021): 37–52. http://dx.doi.org/10.24122/tve.a.2021.18.2.3.
Повний текст джерелаАнотація:
Á degi hverjum birtast neytendum fjöldinn allur af auglýsingum þar sem fyrirtæki keppast um að fanga athygli þeirra. Samhliða auknum hlustendatölum hafa fyrirtæki gjóað augum sínum að hlaðvarpsmiðlinum og eru í sífellt auknum mæli farin að verja auglýsingafé í hann. Þó er skortur á vísindalegum rannsóknum þar sem áhrif slíkra auglýsinga á hegðun hlustenda eru könnuð. Markmið þessarar rannsóknar var að skoða hvort trúverðugleiki hlaðvarpsþáttastjórnenda hafi áhrif á áform hlustenda um að kaupa vöru eða þjónustu sem þáttastjórnendur auglýsa í hlaðvörpum sínum og hvort þeim áhrifum sé miðlað af því einhliða sambandi sem hlustendur hafa myndað við þáttastjórnendur. Út frá fyrirliggjandi rannsóknum var sett fram rannsóknarlíkan. Í gegnum rafrænt hentugleikaúrtak fengust 1.137 svör frá hlaðvarpshlustendum. Niðurstöðurnar sýndu að því trúverðugri sem hlaðvarpsþáttastjórnandinn er, því meiri líkur eru á að hlustendur áformi að kaupa vöru eða þjónustu sem hann auglýsir í hlaðvarpi sínu, en þeim áhrifum er að öllu leyti miðlað í gegnum það einhliða samband sem hlustandi hefur myndað við þáttastjórnandann. Niðurstöðurnar undirstrika mikilvægi þess að hlaðvarpsþáttastjórnendur ýti undir myndun einhliða sambands ef auglýsingarnar í hlaðvarpinu eiga að vera líklegar til árangurs fyrir þau fyrirtæki sem kjósa að verja hluta af markaðsfjármagni sínu á þeim vettvangi. Rannsóknin bætir úr skorti á þekkingu á áhrifum hlaðvarpsauglýsinga á neytendur og er því mikilvægt framlag til fræðanna. Niðurstöðurnar veita jafnframt markaðsfólki upplýsingar sem geta hjálpað því að ákvarða hvort það eigi að auglýsa í hlaðvarpi og hvað ber að hafa í huga við val á hlaðvarpi. Mælst er til þess að vandað sé til verka, en trúverðugleiki þáttastjórnandans og geta hans til þess að fá hlustendur til að mynda einhliða samband við sig skiptir verulegu máli fyrir árangur auglýsinganna.
10
Thoroddsen, Börkur, Svend Richter, and Sigfús Þór Elíasson. "Fjöldi tannlækna á Íslandi – spá um fjölda tannlækna fram til ársins 2040." Tannlæknablaðið 37, no. 1 (November 1, 2019): 16–26. http://dx.doi.org/10.33112/tann.37.1.2.
Повний текст джерелаАнотація:
Íbúafjöldi hér á landi 1. apríl 2019 var 358.780. Tannlæknar voru á sama tíma 284 sem gerir 1.263 íbúa á tannlækni. Á sama tíma bjuggu 45.670 erlendir ríkisborgarar á Íslandi eða 12.7% af heildarmannfjölda. Íslenskir ríkisborgargar eru 313.110 eða 1.103 íbúar á tannlækni. Í nýlegri mannfjöldaspá er gert ráð fyrir að Íslendingum fjölgi nokkuð á næstu árum. Einnig mun öldruðum fjölga hlutfallslega meira en ungu fólki vegna aukins langlífis og lækkandi fæðingartíðni. Ef miðað væri við að tannlæknar hættu störfum 67 ára, væru á þessu ári um 1.416 íbúar á hvern tannlækni á Íslandi en 1.237 ef erlendir ríkisborgarar hér væru ekki taldir með. Ef miðað er við að 8 tannlæknar útskrifist árlega frá Tannlæknadeild HÍ og einn tannlæknir komi erlendis frá má gera ráð fyrir, miðað við sömu forsendur og miðspá mannfjöldaspár Hagstofu Íslands gangi eftir, að 1.356 íbúar verði á tannlækni árið 2030 og að hlutfallið haldist nánast óbreytt til 2040. Ef einungis íbúar með íslenskt ríkisfang eru taldir, yrði hlutfallið 1.185 árið 2030 og svipað 2040. Ef miðað er við að tannlæknar hætti sjötugir yrðu samsvarandi tölur árið 2030 1.259 og 1.100. Í báðum tilfellum er hlutfallið hærra en í Danmörku, Noregi og Svíðjóð.Tannlækningar eldri borgara, sérstaklega tenntra, lasburða gamalmenna á vistheimilum verður krefjandi og tímafrekt viðfangsefni í framtíðinni. Telja verður að atvinnuhorfur tannlækna séu góðar auk þess sem nægilegur fjöldi tannlækna ætti að vera tiltækur á næstu áratugum. Rannsóknir á tannheilsu þjóðarinnar skortir til opinberar stefnumótunar í málaflokknum.
11
Þorvaldsdóttir, Sveina Hjördís, and Gyða Margrét Pétursdóttir. ""Draumastaður" og önnur úrræði til útgöngu úr vændi." Veftímaritið Stjórnmál og stjórnsýsla 18, no. 2 (December 14, 2022): 261–82. http://dx.doi.org/10.13177/irpa.a.2022.18.2.5.
Повний текст джерелаАнотація:
Árið 2009 voru gerðar breytingar á vændisákvæði Almennra hegningarlaga. Samkvæmt breytingunni eru kaup á vændi og hagnaður þriðja aðila af vændissölu refsiverð en sala á vændi er refsilaus. Fyrir gildistöku laganna var lítið vitað um aðstæður fólks í vændi og engar rannsóknir hafa verið gerðar hér á landi eftir gildistöku þeirra sem kannar reynslu þeirra sem eru í vændi. Tilgangur þessarar rannsóknar er að bæta úr því. Rannsóknin beinir sjónum sérstaklega að úrræðum til útgöngu úr vændi. Framkvæmd voru 14 eigindleg viðtöl við konur sem verið hafa í vændi og eitt viðtal við forsvarsmanneskju samtakanna Rauðu regnhlífarinnar sem vilja styðja við kynlífsverkafólk. Helstu niðurstöður eru þær að konunum mætti úrræðaleysi í aðdraganda vændis. Þær upplifa vantraust í garð fagaðila og lögreglu. Þær kalla eftir fjölþættum úrræðum fyrir þau sem vilja hverfa úr vændi, harðari refsingum fyrir vændiskaup og að þekking um vændi og afleiðingar þess verði aukin og miðlað til samfélagsins.
12
Sigurgeirsson, Hersir. "Ákvörðun skiptaverðs í skiptiútboði Íbúðalánasjóðs." Tímarit um viðskipti og efnahagsmál 11, no. 1 (June 15, 2014): 1. http://dx.doi.org/10.24122/tve.a.2014.11.1.3.
Повний текст джерелаАнотація:
Í lok júní árið 2004 bauð Íbúðalánasjóður eigendum hús‐ og húsnæðisbréfa að skipta þeim út fyrir ný skuldabréf, svokölluð íbúðabréf. Deutsche Bank London AG var aðalráðgjafi sjóðsins við skiptiútboðið og ráðlagði sjóðnum meðal annars um ákvörðun skiptaverðsins. Skiptaverð hús‐ og húsnæðisbréfa í útboðinu átti að ákvarðast af ávöxtunarkröfu þeirra á markaði og ávöxtunarkrafa íbúðabréfanna átti að ákvarðast af ávöxtunarkröfu húsnæðisbréfa með sérstöku frádragi þannig að skiptaverð þeirra væri hærra en húsnæðisbréfanna. Skiptaverðið í útboðinu var ekki í samræmi við þessar fyrirætlanir Íbúðalánasjóðs; verð húsbréfanna var of hátt og íbúðabréfanna of lágt. Sjóðurinn keypti því útistandandi bréf á of háu verði og seldi nýju skuldabréfin á of lágu verði. Með því að endurskapa skiptaverðið sem Íbúðalánasjóður bauð í útboðinu eru færð rök fyrir því að sjóðurinn eða ráðgjafar hans hafi gert mistök við ákvörðun sína sem fólust í fjórum villum. Þrjár þeirra höfðu lítil sem engin áhrif á endanleg skiptihlutföll í útboðinu en ein þeirra hafði talsverð áhrif og kostaði sjóðinn um 1,5 milljarða kr. á verðlagi ársins 2004. Sú villa fólst í því að bera saman ávöxtunarkröfu tveggja skuldabréfa sem reiknuð var miðað við mismunandi vaxtaform; ávöxtunarkrafa húsnæðisbréfa var reiknuð miðað við árlega vaxtavexti en ávöxtunarkrafa íbúðabréfa miðað við hálfsárslega vaxtavexti. Mistökin má hugsanlega rekja til þess að mismunandi venjur eru varðandi framsetningu ávöxtunarkröfu skuldabréfa á íslenskum skuldabréfamarkaði annars vegar og sumum evrópskum mörkuðum hins vegar.
13
Poulsen, Ingi, and Þröstur Olaf Sigurjónsson. "Innleiðing lagaskyldu um sjálfbærniupplýsingar: Reynslan af löggjöfinni, helstu drifkraftar sjálfbærniupplýsinga og áhrif þeirra á starfsemi og rekstur fyrirtækja." Tímarit um viðskipti og efnahagsmál 1, no. 21 (June 13, 2024): 37–52. http://dx.doi.org/10.24122/tve.a.2024.21.1.3b.
Повний текст джерелаАнотація:
Á árinu 2016 var ákvæði 66. gr. d. bætt við lög um ársreikninga nr. 3/2006 en með ákvæðinu var fyrirtækjum af ákveðinni gerð og stærð gert skylt að greina frá umfangsmiklum ófjárhagslegum upplýsingum í ársreikningum sínum. Með ákvæðinu var innleidd tilskipun Evrópusambandsins um ófjárhagslegar upplýsingar og upplýsingar um fjölbreytileika nr. 2014/95/EB. Markmið þessarar rannsóknar er að varpa ljósi á þá reynslu sem hlotist hefur af lagasetningunni. Þá leitast rannsóknin við að greina þau áhrif sem löggjöfin hefur haft á íslensk fyrirtæki í samhengi við aðra áhrifaþætti sem gegna hlutverki í sjálfbærnivegferð fyrirtækja. Með því er leitast við að varpa ljósi á helstu þætti sem kunna að hafa þýðingu fyrir gæði og umfang sjálfbærniupplýsinga enda veitir löggjöfin fyrirtækjum umtalsvert sigrúm í upplýsingagerðinni. Á grundvelli þessa markmiðs leitast rannsóknin við að svara eftirfarandi rannsóknarspurningu: Hver er upplifun sérfræðinga sem vinna að gerð og miðlun sjálfbærniupplýsinga af innleiðingu tilskipunar Evrópusambandsins um ófjárhagslega upplýsingagjöf, hvaða áhrif hefur hún haft á starfsemi íslenskra fyrirtækja og hvaða aðrir áhrifaþættir og hvatar hafa þýðingu gagnvart umfangi og gæðum sjálfbærniupplýsinga þeirra? Niðurstöður rannsóknarinnar gefa til kynna að íslensk fyrirtæki séu aftarlega á merinni í alþjóðlegum samanburði. Lög hafa hjálpað til að setja sjálfbærni á dagskrá en hafa ekki lykilþýðingu við ferli upplýsingagjafar í dag. Margvíslegir hvatar og áhrifaþættir hafa áhrif á sjálfbærniupplýsingar fyrirtækja, umfram annað þrýstingur frá haghöfum. Miðlun sjálfbærniupplýsinga hefur þó margvísleg bein og óbein áhrif á rekstur og starfsemi fyrirtækja.
14
Garðarsdóttir, Hólmfríður. "Ó, borg mín, borg." Ritið 18, no. 2 (September 5, 2018): 127–37. http://dx.doi.org/10.33112/ritid.18.2.6.
Повний текст джерелаАнотація:
Einn þekktasti lofsöngur um höfuðborg Íslands, Reykjavík, er án efa kvæðið „Ó borg, mín borg“, eftir Vilhjálm frá Skáholti, sem Haukur Morthens gerði ódauðlegt um miðja síðustu öld. Til að veita því fjölmenningarlega samfélagi sem nú blómstrar á Íslandi tækifæri til að kynnast merkingu kvæðisins var ráðist í að þýða fyrsta erindi þess á ýmis tungumál. Kvæðið birtist fyrst á íslensku og því næst þýðingar þess á átta tungumálum – þar með talið íslenska táknmálinu.
15
Sigurðsson, Oddur. "Jöklabreytingar (glacier variations) 1930–1970, 1970–1995, 1995–2011 og 2011–2012." Jökull 63, no. 1 (December 15, 2013): 118–22. http://dx.doi.org/10.33799/jokull2013.63.118o.
Повний текст джерелаАнотація:
Jöklaárið 2011–2012 (október til september) var 17. árið í röð vel yfir meðalhita áranna 1961–1990 sem jafnan er miðað við. Úrkoma vetrarins var langt yfir meðallag sunnan- og vestanlands. Sumarið var hið næstsvalasta á öldinni á eftir 2005. Hins vegar var það hið sólríkasta sem hefur mælst svo að vænta má að það hafi tekið toll af jöklum. Haustið lagðist að með áhlaupi norðanlands þann 10. september með fannfergi, umtalsverðu fjártjóni og skemmdum á raflínum.
16
Sigurðsson, Kári, Sara M. Fuxén, and Valgerður Vésteinsdóttir. "Hvert er aðalmálið við val á verðbréfasjóði?" Tímarit um viðskipti og efnahagsmál 7, no. 1 (January 16, 2018): 69. http://dx.doi.org/10.24122/tve.a.2010.7.1.5.
Повний текст джерелаАнотація:
Þessi rannsókn fjallar um hvaða þættir hafa áhrif á val fjárfesta á verðbréfasjóðum. Rannsóknin nær yfir íslenska verðbréfasjóði á tímabilinu 1992 til 2005. Niðurstöðurnar sýna að fjárfestar taka mið af fortíðarávöxtun við val á verðbréfasjóði og eltast við bestu ávöxtun hvort heldur sem er innan fjárfestingarstefnu eða óháð stefnum. Ef árangur sjóðs batnar um 0,1 stig miðað við aðra sjóði á skalanum 0 til 1 eykst fjárflæði að meðaltali um rúmlega 5%. Samband fjárflæðis og árangurs er línulegt á Íslandi sem er ólíkt því sem þekkist í Bandaríkjunum. Kostnaður og áhætta hafa ekki marktæk áhrif á val fjárfesta.
17
Magnússon, Gylfi, and Kári Sigurðsson. "Ávinningur af erlendri fjárfestingu í tæpa þrjá áratugi." Tímarit um viðskipti og efnahagsmál 20, no. 1 (June 26, 2023): 1–20. http://dx.doi.org/10.24122/tve.a2023.20.1.1.
Повний текст джерелаАнотація:
Erlend verðbréf, sem skráð eru í kauphöll, bæta sögulegt hlutfall ávöxtunar og áhættu fyrir íslenska fjárfesta, eins og t.d. lífeyrissjóði. Sé áhætta mæld með staðalfráviki, bætir erlenda fjárfestingin hlutfallið um 34% samanborið við innlent verðbréfasafn. Nánar tiltekið hækkar meðalávöxtun umfram áhættulausa vexti um 0,93 prósentustig (úr 2,76 í 3,70%) miðað við hagkvæmasta safn með 10% staðalfrávik en slíkt safn er með sambærilega áhættu í erlendum áhættusömum skuldabréfum eins og erlendum hlutabréfum. Óskráðar erlendar eignir bæta þetta hlutfall enn frekar en töluverð óvissa ríkir um það mat. Líkur á öfgakenndri ávöxtun (reisn) minnka umtalsvert við erlenda eignadreifingu.
18
Steinarsdóttir, Arna Laufey, and Auður Hermannsdóttir. "Eru vannýtt tækifæri til að draga úr skattsvikum? Spjótum beint að siðferði og persónuleika." Icelandic Review of Politics & Administration 19, no. 2 (December 14, 2023): 153–80. http://dx.doi.org/10.13177/irpa.a.2023.19.2.4.
Повний текст джерелаАнотація:
Umfang skattsvika er umtalsvert hér á landi. Sé dregið úr slíkum efnahagsglæpum er hægt að auka tekjur hins opinbera töluvert. Markmið rannsóknarinnar var annars vegar að varpa ljósi á hvað kunni að skýra það að sumir samfélagsþegnar eru líklegri en aðrir til að svíkja undan skatti. Í því skyni var bæði einblínt á skattasiðferði og persónuleikaeinkenni einstaklinga. Hins vegar var markmiðið að greina hvaða hópa skattgreiðenda sé fýsilegt að miða aðgerðir að með það að leiðarljósi að draga úr skattsvikum. Í gegnum rafrænt hentugleikaúrtak fengust svör frá 593 einstaklingum sem svöruðu spurningalista þar sem áform um skattsvik, skattasiðferði og persónuleiki var mældur. Niðurstöðurnar sýndu að skattasiðferði hefur veigamesta forspárgildið um það hvort fólk sé líklegt til að svíkja undan skatti. Jafnframt reyndust persónuleikaeinkennin heiðarleiki og auðmýkt annars vegar og siðblinda hins vegar skipta töluverðu máli í þessu sambandi. Niðurstöður klasagreiningar leiddu í ljós að ákjósanlegt sé að skipta skattgreiðendum í þrjá hópa sem nefndir voru heiðvirðu samfélagsþegnarnir, hverfulu samfélagsþegnarnir og refjóttu samfélagsþegnarnir. Hinir heiðvirðu eru mjög ólíklegir til að svíkja undan skatti og hafa hátt skattasiðferði. Það væri því ekki skilvirk nýting á fjármagni að einblína á einstaklinga í þeim hópi. Hinir tveir hóparnir, hinir hverfulu og refjóttu, eru hópar sem ætti markvisst að miða á til að draga úr skattsvikum. Fýsilegast er líklega að setja í forgang aðgerðir sem miða að hinum hverfulu þó jafnframt þurfi að huga að hinum refjóttu. Beita þarf ólíkum aðgerðum til að ná til þessara hópa, líkt og farið er yfir í greininni.
19
Þorleifsson, Óskar Helgi. "Íslenska Phillipskúrfan: Stöðugleiki 1991–2018." Tímarit um viðskipti og efnahagsmál 18, no. 1 (August 25, 2021): 112–32. http://dx.doi.org/10.24122/tve.a.2021.18.1.6.
Повний текст джерелаАнотація:
Í þessari grein er lagt mat á halla íslenskrar Phillipskúrfu og stöðugleiki sambandsins kannaður á tímabilinu 1991–2018. Umtalsverðar breytingar urðu á umhverfi verðbólguþróunar á tímabilinu. Þá má nefna að Seðlabanki Íslands öðlaðist sjálfstæði frá pólitískum afskiptum, verðbólgumarkmið hefur verið innleitt og breyting varð á fyrirkomulagi gengismála árið 2001. Í kjölfar bankahrunsins komu svo til sögunnar takmarkanir á fjármagnshreyfingum sem auðvelduðu miðlun peningastefnu og síðar velgengni við að halda verðbólgu í samræmi við markmið. Fyrir tímabilið í heild finnst virkt Phillipssamband, sem frekar ber einkenni hröðunar-Phillipskúrfu: Sambandi slaka á vinnumarkaði og aukinnar verðbólgu. Á tímabilinu eftir efnahagshrunið minnkar fylgni verðbólgu við verðbólgu síðasta árs. Sambandið færist þá í áttina að því að lýsa tengslum milli slaka á vinnumarkaði og verðbólgustigs. Þetta hefur í för með sér að uppsveiflu þarf ekki endilega að fylgja niðursveifla jafnvel þótt stefnt sé að stöðugu verðbólgustigi til lengdar. Ekki voru afgerandi vísbendingar um flatari Phillipskúrfu á tímabilinu.
20
Guðlaugsson, Þórhallur Örn. "Markaðsáherslur og markaðshneigð." Tímarit um viðskipti og efnahagsmál 1, no. 1 (June 15, 2004): 3. http://dx.doi.org/10.24122/tve.a.2004.2.1.4.
Повний текст джерелаАнотація:
Markaðshneigð (e. market orientation) má lýsa sem einkenni á fyrirtækjamenningu, sem birtist þannig að starfsmenn leggja sig fram við að veita viðskiptavininum, sem mestan ávinning af viðskiptum sínum við fyrirtækið. Markaðshneigð má einnig lýsa sem hegðun er styður markaðsáhersluna (e. marketing concept). Sú hegðun einkennist af víðtækri þekkingaröflun á breytingum í markaðsumhverfinu, miðlun þeirrar þekkingar til eininga skipulagsheildarinnar og að viðbrögð hennar taki mið af þekkingunni. Viðfangsefni þessarar greinar er markaðshneigð og markaðsáherslur og er augum sérstaklega beint að því hvort opinber fyrirtæki geti, út frá forsendum markaðshneigðar, tileinkað sér markaðshneigð og markaðsleg vinnubrögð. Það er mat höfundar, byggt á skoðun á stóru opinberu þjónustufyrirtæki, að þannig fyrirtæki geti tileinkað sér markaðshneigð í auknum mæli. Ýmsar hindranir séu þó í veginum sem m.a. má rekja til fyrirtækjamenningar og –skipulags. Einnig kemur fram í umræðunni að pólitískur hugsunarháttur getur verið skammt undan þegar um opinber fyrirtæki er að ræða. Hann getur haft neikvæð áhrif á viðleitni fyrirtækja til að auka markaðshneigð og markaðsleg vinnubrögð.
21
Hermannsdóttir, Auður, and Alexandra Diljá Bjargardóttir. "Rafrænt umtal á samfélagslegum tengslamyndunarsíðum." Tímarit um viðskipti og efnahagsmál 10, no. 1 (June 15, 2013): 21. http://dx.doi.org/10.24122/tve.a.2013.10.1.1.
Повний текст джерелаАнотація:
Þegar samskipti fólks á netinu snúast um vörur, þjónustu, fyrirtæki eða vörumerki er talað um að það eigi sér stað rafrænt umtal. Rafrænt umtal getur breiðst út til gríðarlega margra og á miklum hraða. Það getur þannig náð til mun fleiri og mun hraðar en hið hefðbundna umtal og áhrif þess geta því orðið töluvert meiri. Viðfangsefni rannsóknarinnar var rafrænt umtal á vinsælasta samfélagsmiðli dagsins í dag, Facebook. Markmiðið var að kanna þátttöku í rafrænu umtali, trúverðugleika umtals, mat fólks á áhrifum umtals á ímynd fyrirtækja og kaupáform. Jafnframt var kannað hvort tengsl væru á milli þátttöku í rafrænu umtali og áhrifum umtals á ímynd annars vegar og áhrifum á kaupáform hins vegar. Með rafrænu snjóboltaúrtaki var spurningalisti lagður fyrir notendur Facebook. Niðurstöðurnar benda til þess að bein þátttaka í rafrænu umtali sé ekki ýkja mikil. Algengara er að um skoðanaveitingu sé að ræða heldur en skoðanaleit, þá sér í lagi að fólk sé að miðla jákvæðum upplýsingum um vörur eða þjónustu. Mestur trúverðugleiki upplýsinga um vörur og þjónustu fyrirtækja virðist vera gagnvart umtali sem kemur frá einstaklingum sem fólk þekkir. Næst á eftir koma upplýsingar frá vefsíðum fyrirtækja og svo umsagnir almennra neitenda. Niðurstöðurnar benda til þess að áhrif rafræns umtals á ímynd fyrirtækja séu nokkur að mati fólks og jafnframt áhrif þess á kaupáform. Tæplega helmingur þátttakenda kvaðst beinlínis hafa keypt vöru eða þjónustu eftir að einhver mælti með því á Facebook. Nokkuð sterk jákvæð tengsl reyndust vera á milli þátttöku í rafrænu umtali og mats á áhrifum umtals á ímynd annars vegar og á kaupáform hins vegar.
22
Pétursdóttir, Svava, and Gunnhildur Óskarsdóttir. "Kennsluhættir náttúrufræða í skyldunámi." Tímarit um uppeldi og menntun 31, no. 2 (January 9, 2023): 23–44. http://dx.doi.org/10.24270/tuuom.2022.31.7.
Повний текст джерелаАнотація:
Markmið rannsóknarinnar var að skoða hvað einkenndi kennsluhætti í náttúrufræði á öllum stigum grunnskólans, hvort og hvernig áherslur aðalnámskrár birtust í kennslunni. Með þessu er þess vænst að veita megi upplýsingar um náttúrufræðikennslu sem nýst gætu við stefnumótun og starfsþróun kennara. Gögnum var safnað um skipulag kennslunnar og aðbúnað. Byggt var á vettvangsathugunum úr 23 kennslustundum í gagnasafni rannsóknarinnar Starfshættir í grunnskólum og 22 athugunum sem gerðar voru með sömu aðferðum árin 2016–2018. Niðurstöður bentu til þess að kennslan einkenndist mikið af beinni kennslu, miðlun efnis í bland við spurningar og spjall og skriflegum verkefnum. Verkleg kennsla var lítil og áhersla á lífvísindi áberandi. Langflestar kennslustundir í náttúrufræði fóru fram í almennri kennslustofu og fátt var í þeim sem minnti á náttúrufræði. Algengara var að kennsla á unglingastigi færi fram í náttúrufræðistofu. Lítið virtist hafa breyst í kennsluháttum frá fyrri rannsóknum. Kennslan þyrfti að fara fram í umhverfi sem væri betur sniðið að náttúrugreinum og snúast meira um vísindahugtök, verklegar æfingar og hugmyndir nemenda. Efla þarf stuðning við náttúrufræðikennara og starfsþróun þeirra til að styrkja fagþekkingu kennara.
23
Ólafsson, Halldór. "Bylgjubrotsmælingaferð á Mýrdalsjökli í júní 1991 (Mýrdalsjökull refraction measurements in June 1991)." Jökull 72, no. 1 (December 15, 2022): 113–16. http://dx.doi.org/10.33799/jokull2022.72.113o.
Повний текст джерелаАнотація:
Mér var ætlað að aðstoða Bryndísi Brandsdóttur við útsetningu jarðskjálftamæla til bylgjubrotsmælinga á Mýrdalsjökli um miðjan júní 1991, en meiningin með þeim leiðangri var að kanna hvort kvikuhólf væri undir Kötlu. Þannig var að því staðið að sprengja átti í vötnum norðan og sunnan Mýrdalsjökuls og dreifa skjálftamælum á línur yfir jökulinn. Karl Ingólfsson sótti mig heim kl. 21:30 þann 18. júní á nýja HiLúxinum (PM 932) og var hann með vélsleðakerruna í eftirdragi. Það var búið að hækka bílinn og setja undir hann 36" dekk til að auðvelda honum akstur í snjó. Við komum við hjá Karli Pálssyni og fór hann með okkur austur. Bryndís hafði farið á Toyotu Raunvísindastofnunar með 15 skjálftamæla og með henni fór Brandur litli sonur hennar. Aðalbækistöðin var í Vík í Mýrdal og komum við þangað upp úr miðnætti. Þar fengum við kaffisopa hjá Bryndísi en hún leigði íbúð við hliðina á símstöðinni hjá þeim heiðurshjónum Katrínu og Guðgeiri. Ég tók bensín fyrir vélsleðana og annan búnað okkar en Bryndís ætlaði að forrita skráningartæki skjálftamælanna áður en hún kæmi upp á jökul. ...
24
Einarsson, Ágúst. "Heilsuhagfræði á Íslandi." Tímarit um viðskipti og efnahagsmál 1, no. 1 (June 15, 2003): 5. http://dx.doi.org/10.24122/tve.a.2003.1.1.6.
Повний текст джерелаАнотація:
Í greininni er lýst grunnatriðum í heilsuhagfræði. Þættir eins og heilsufar, vellíðan, sjúkdómar, slys og dauði eru algeng viðfangsefni innan heilbrigðisþjónustunnar. Í heilsuhagfræði er m.a. lagt fjárhagslegt mat á leiðir til úrbóta. Heilsuhagfræði hefur enn ekki hlotið mikla umfjöllun hérlendis. Í greininni er m.a. lýst grunnlíkönum í heilsugæslu og fjallað er um umfang heilbrigðismála í hagkerfinu hérlendis, svo sem opinber útgjöld og starfsmannafjölda. Einnig er staða heilbrigðismála á Íslandi rædd í samanburði við önnur lönd, einkum Norðurlönd en jafnframt innan OECD. Þar kemur m.a. í ljós að staðan í heilsugæslu hérlendis er góð en útgjöld til heilbrigðismála eru veruleg miðað við önnur lönd, sérstaklega sé tekið tillit til tiltölulega lágs aldurs íslensku þjóðarinnar. Að lokum er stuttlega fjallað um fjórar matsaðferðir innan heilsuhagfræðinnar, þ.e. lágmarkskostnaðargreiningu, kostnaðarárangursgreiningu, kostnaðarnytjagreiningu og kostnaðarábatagreiningu.
25
Steinþórsson, Runólfur Smári, and Þröstur Olaf Sigurjónsson. "Leiðbeiningar um stjórnarhætti fyrirtækja í fræðilegu og hagnýtu ljósi: Dæmi frá Íslandi." Tímarit um viðskipti og efnahagsmál 19, no. 1 (June 28, 2022): 95–116. http://dx.doi.org/10.24122/tve.a.2022.19.1.5.
Повний текст джерелаАнотація:
Stjórnarhættir fyrirtækja hafa fest sig í sessi sem sjálfstætt fag á síðustu áratugum. Fyrst í stað voru rannsóknir á stjórnarháttum afmarkaðar við þróun kenninga á þeim umboðs- og eftirlitsvanda sem varð til þegar eigendur fyrirtækja fóru að fá til sín atvinnustjórnendur til að veita fyrirtækjum forystu. Síðar fóru kenningar um stjórnarhætti að rýna í samskipti við fleiri hagsmunaaðila. Samhliða þróast lagaleg umgjörð stjórnarhátta og leiðbeiningar um stjórnarhætti ekki síst vegna þess að þau vandamál og sú áhætta sem er viðfangsefni stjórnarhátta birtist í raun og veru gegnum stórfelld tjón þegar fyrirtæki fóru að falla vegna misbrests í stjórnarháttum og umboðssvika. Þessi grein miðar að því gefa innsýn í fræðasviðið og þróun leiðbeininga um stjórnarhætti. Annars vegar er áherslan á fræðilegt yfirlit yfir rannsóknir á stjórnarháttum þar sem fjallað er um stjórnarhætti fyrirtækja út frá hluthöfum, hagsmunaaðilum, lagalegri hlið og út frá leiðbeiningum. Hins vegar er athyglinni beint að hinum hagnýta þætti stjórnarhátta þar sem gerð er könnunar rannsókn á þróun leiðbeininga um stjórnarhætti fyrirtækja á Íslandi. Skoðað er hvað það er sem leiðbeiningar um stjórnarhætti fyrirtækja fjalla almennt um og síðan er rýnt í allar útgáfur af íslensku leiðbeiningum sem birtar hafa verið á síðustu 17 árum, en þær eru sex talsins. Fyrst í stað, frá 2004, var áherslan mest á leiðbeiningar varðandi hluthafa, stjórn og stjórnarmenn. Eftir hrun 2008 var lögð meiri áhersla á leiðbeiningar varðandi stjórnarmenn og upplýsingagjöf til samfélagsins samhliða því sem kveðið er nánar á um hlutverk stjórnar. Á síðustu árum hefur athyglin verið mest á þróun leiðbeininga varðandi starf undirnefnda stjórnar og stöðu þeirra nefnda gagnvart hluthöfum, stjórn og framkvæmdastjórn.
26
Ólafsson, Halldór. "Minningar úr ferð til Dyngjufjalla 1962." Jökull 62, no. 1 (December 15, 2012): 185–89. http://dx.doi.org/10.33799/jokull2012.62.185o.
Повний текст джерелаАнотація:
Haustið 1961 urðu ferðamenn varir við jarðhita og hveramyndun skammt innan við Öskjuop í Dyngjufjöllum. Einnig varð vart við jarðskjálfta sem áttu upptök á þessum slóðum. Atburðirnir urðu til þess að tveir jarðvísindamenn fóru á vegum Rannsóknaráðs ríkisins inn í Dyngjufjöll til athugana á fyrirbærunum. Þetta voru þeir Tómas Tryggvason, jarðfræðingur á Atvinnudeild Háskóla Íslands og Guðmundur Ernir Sigvaldason jarðefnafræðingur, en hann var þá nýkominn frá námi og störfum í Þýskalandi og Bandaríkjunum. Er þeir félagar komu á vettvang um miðjan október, var leirhveravirkni orðin töluverð undir móbergshlíðinni sunnan Öskjuops. Á meðan staldrað var við urðu þeir vitni að því þegar stór goshver myndaðist á svæðinu og áttu fótum fjör að launa því við sprenginguna þeyttist leir, möl og grjóthnullungar yfir þá. Þeir þóttust góðir að sleppa lifandi og að fenginni þessari lífsreynslu kom þeim saman um að gefa hvernum nafnið Hrekkur. Þeim Tómasi og Guðmundi var nú orðið ljóst að stóratburður var í burðarliðnum og fóru fljótlega til byggða að gefa skýrslu um rannsóknir sínar. Er skemmst frá því að segja að eldgos hófst rétt norðan hverasvæðisins nýja nokkrum dögum síðar eða 26. október.
27
Guðmundsson, Magnús Tumi, Bergur Einarsson, and Björn Oddson. "Hlaup og gufusprengingar (jökulhlaup and phreatic explosions) í Kverkfjöllum í ágúst 2013." Jökull 63, no. 1 (December 15, 2013): 149–51. http://dx.doi.org/10.33799/jokull2013.63.149o.
Повний текст джерелаАнотація:
Í vorferð JÖRFÍ í byrjun júní fór hluti hópsins í Kverkfjöll. Skoðun á gögnum úr ferðinni leiddi í ljós að vatn var tekið að safnast fyrir í Gengissigi, jökulstíflaða lóninu austan við skála Jöklarannsóknafélagsins. Mælingarnar sýna að hækkun vatnsborðs frá haustinu 2012 hafði numið um 20 metrum. Samkvæmt myndum sem teknar voru eftir miðjan júlí hafði vatnsborð enn hækkað um 5 metra eða svo á þeim sex vikum sem liðið höfðu frá vorferðinni. Því var ljóst að hlaup gæti komið úr siginu innan árs héldi þessi þróun áfram. Þann 15. ágúst síðastliðinn urðu landverðir í Kverkfjöllum varir við að hlaup var í Volgu og sópaðist göngubrúin á ánni í burtu í þeim atgangi. Morguninn eftir var afráðið að kanna aðstæður og fór þyrla Landhelgisgæslunnar í Kverkfjöll með fólk frá Almannavörnum, Veðurstofu Íslands og Jarðvísindastofnun Háskólans. Eins og reiknað hafði verið með var Gengissigið hlaupið. Þétt dreif af uppbrotnum lagnaðarís þakti botn sigsins hvarvetna og vatnsborð stóð mjög lágt. En mesta athygli vöktu dökkar dreifar af leir sem náðu um 1 km norður fyrir sigið. Augljóst var að sprengingar höfðu orðið á nokkrum stöðum í norðanverðu siginu í lok hlaupsins og efnið sem upp kom myndað dreifarnar.
28
Antonsdóttir, Júlí Ósk, Ragnheiður Elfa Þorsteinsdóttir, and Anna Ólafsdóttir. "Aðdragandi, tilurð og inntak íslenskrar löggjafar um lýðskóla." Tímarit um uppeldi og menntun 30, no. 2 (January 7, 2022): 167–84. http://dx.doi.org/10.24270/tuuom.2021.30.12.
Повний текст джерелаАнотація:
Um miðja nítjándu öld komu fram í Danmörku hugmyndir um annars konar nám en hefðbundið bóknám fyrir ungmenni landsins. Á grunni þeirra voru stofnaðir skólar í Danmörku sem nefndir voru lýðháskólar. Breiddust þeir hratt út á Norðurlöndum en festu ekki rætur á Íslandi með sama hætti. Samt sem áður hefur hugmyndafræði lýðháskólanna lifað hér á landi. Hafa tveir skólar verið stofnaðir á grunni hennar á undanförnum árum og sumarið 2019 gengu í gildi hér á landi lög um lýðskóla. Markmið greinarinnar er að varpa ljósi á aðdraganda, tilurð og inntak laganna. Fjallað er um hugmyndafræðilegan bakgrunn og sögu lýðháskólanna og gerð grein fyrir lögum sem um þá gilda í Noregi og Danmörku. Helstu ályktanir höfunda eru þær að lög um lýðskóla á Íslandi marki tímamót því með þeim fá skólarnir formlega lagalega viðurkenningu að uppfylltum skilyrðum. Á hinn bóginn geti það skapað rekstrarlega óvissu að opinber stuðningur til þeirra skuli ekki vera tryggður með lögum.
29
Hjartardóttir, Þóra Björk. "Allur er varinn góður: Orðið 'hvað' sem orðræðuögn." Orð og tunga 22 (June 30, 2020): 1–18. http://dx.doi.org/10.33112/ordogtunga.22.2.
Повний текст джерелаАнотація:
Orðmyndina hvað má í íslensku talmáli skjóta inn í miðja lotu einkum á undan tölum eða öðrum orðum fyrir tíma eða magn en einnig á undan sértækum heitum, sbr. eftirfarandi dæmi úr talmálsgagnagrunninum ÍSTAL: 1) en ég hef einmitt er með hvað tuttuguogeinstommu skjá niðri í vinnu og 2) það heitir (þa-) ((skark)) (m-) eða þarna (niðr-) (það) sem var niðri í bæ hvað þarna Mjölnisholt. Fella má hvað burt án þess að það hafi nein áhrif á merkingarlegt inntak segðarinnar en orðið er hér notað sem orðræðuögn og gegnir samræðulegu hlutverki í þessari stöðu. Ögnin er liður í mállegu aðgerðinni lagfæringu sem beinist að því leysa úr vanda sem upp hefur komið í flæði samtalsins eins og þegar mælandi man ekki orð eða er ekki alveg fullviss um sannleiksgildi orða sinna, eins og á við um ögnina hvað hér. Færð eru rök fyrir því að meginhlutverk agnarinnar hvað sé varnagli: merki um að minni háttar ósamræmi kunni að vera milli þess sem sagt er og þess sem er í raun, sjá (1), og annað hlutverk hennar, sem birtist á undan heitum, sé orðaleit, sjá (2).
30
Jónatansdóttir, Sigrún, Kristján Ketill Stefánsson, Steinunn Gestsdóttir, and Freyja Birgisdóttir. "Má rekja mun á lesskilningi kynjanna til mismikillar þátttöku í skólastarfi?" Tímarit um uppeldi og menntun 26, no. 1-2 (December 22, 2017): 87. http://dx.doi.org/10.24270/tuuom.2017.26.5.
Повний текст джерелаАнотація:
Kynjamunur á lesskilningi, þar sem stúlkur standa sig betur en drengir, er nokkuð þekktur víða um heim. Einnig er vitað að virk þátttaka stúlkna í skólastarfi er meiri en drengja en tengsl virkrar þátttöku í skólastarfi og lesskilnings eru hins vegar minna þekkt. Aukin þekking á þessu sviði getur átt þátt í að bæta lesskilning ungmenna auk þess að draga úr þeim kynjamun sem fram kemur á lesskilningi. Markmið rannsóknarinnar var að kanna (1) hvort kynjamunur kæmi fram á lesskilningi og virkri þátttöku í skólastarfi, (2) að hve miklu leyti kynjamunur á virkri þátttöku í skólastarfi geti skýrt kynjamun á lesskilningi (miðlunartilgáta) og (3) hvort virk þátttaka í skólastarfi skipti jafn miklu máli fyrir drengi og stúlkur þegar kemur að árangri í lesskilningi (tilgáta um mismunandi áhrif). Rannsóknin er byggð á gögnum úr langtímarannsókninni Þróun sjálfstjórnunar og farsæll þroski ungmenna á Íslandi. Alls tók 561 nemandi þátt. Mæling á virkri þátttöku í skólastarfi fór fram við upphaf 9. bekkjar og notaðar voru niðurstöður sömu nemenda úr lesskilningshluta samræmdra prófa í íslensku við upphaf 10. bekkjar. Formgerðargreining var notuð til að prófa tilgátur rannsóknarinnar. Drengir komu verr út úr lesskilningsprófum og sýndu minni virka þátttöku í skólastarfi en stúlkur. Virk þátttaka miðlaði að fullu áhrifum kyns á lesskilning og ekki fannst greinanlegur munur á forspá virkrar þátttöku í skólastarfi um lesskilning eftir kyni. Því er hugsanlegt að kynjamuninn á lesskilningi hafi mátt rekja til skorts á virkri þátttöku drengja í skólastarfi og að aukinn stuðningur við virka þátttöku í skólastarfi sé líklegur til að skila sér í auknum lesskilningi hjá báðum kynjum.
31
Guðmundsdóttir, Árelía Eydís, and Íris Hrönn Guðjónsdóttir. "Þáttaskil: Hvers vegna velja konur í forystu að fara úr æðstu stjórnunarstöðum á miðjum aldri." Tímarit um viðskipti og efnahagsmál 18, no. 2 (December 20, 2021): 53–66. http://dx.doi.org/10.24122/tve.a.2021.18.2.4.
Повний текст джерелаАнотація:
Konur eru í minnihluta forystu í íslenskum skipulagsheildum og vísbendingar eru um að þær séu líklegri en karlar til að yfirgefa forystuhlutverkið að eigin frumkvæði. Þá fjölgar konum til þess að gera hægt í æðstu stjórnendastöðum í fyrirtækjum, sérstaklega sé litið til skráðra félaga. Konur eru þó í forystu víða og eru þær fleiri í opinberum fyrirtækjum heldur en einkafyrirtækjum. Ísland hefur mælst með minnst kynjabil í heimi síðastliðin 12 ár samfellt og konum er óvíða búinn jafn góður lagalegur réttur og á Íslandi. Í þessari grein var leitast við að varpa ljósi á hvað fengi íslenska kvenleiðtoga, sem komnar eru á eða yfir miðjan aldur, til að gera róttæka breytingu á starfsferli sínum með því að hverfa, að eigin frumkvæði, úr æðstu stjórnunar- og áhrifastöðum og snúa sér að ólíkum verkefnum. Eigindlegri aðferðafræði var beitt við rannsóknina og tekin voru viðtöl við 14 konur sem allar höfðu gegnt forystustörfum á sínu sviði. Helstu niðurstöður voru þær að umfangsmiklar breytingar á starfsferli hafi oftast haft fjárhagslegar og ímyndarlegar afleiðingar í för með sér. Viðmælendur hafi farið í sjálfsskoðun knúna af innri hvöt, sem tengdist gjarnan ytri þáttum eins og ónotum sem þeir höfðu upplifað í starfsumhverfi eða innri þáttum eins og heilsuleysi eða miklu vinnuálagi. Niðurstöður gefa til kynna að þegar horft er til starfsferils leiðtoga sé mikilvægt að gera ráð fyrir að þeir vilji breyta til eða haga lífi sínu og starfi með nýjum hætti á miðjum aldri. Fjölbreyttari leiðir leiðtoga til þess að sinna persónulegum þroska og endurmati á miðjum aldri er æskileg til að missa ekki út reynslu og þekkingu kvenleiðtoga.
32
Guðbjartsson, Einar, Eyþór Ívar Jónsson, and Jón Snorri Snorrason. "Endurskoðunarnefndir: Samsetning og góðir stjórnarhættir." Tímarit um viðskipti og efnahagsmál 15, no. 2 (December 18, 2018): 73–96. http://dx.doi.org/10.24122/tve.a.2018.15.2.5.
Повний текст джерелаАнотація:
Tilgangur greinarinnar er að skoða samsetningu endurskoðunarnefnda m.t.t. markvirkni. Áhersla er lögð á að skoða fjölbreytni, sérfræðiþekkingu og óhæði nefndarmanna. Engar rannsóknir hafa verið gerðar á endurskoðunarnefndum á Íslandi sem miða að því að skoða þætti eins og samsetningu nefnda m.t.t. markvirkni endurskoðunarnefnda. Þar af leiðandi voru þrjár tilgátur settar fram til þess að meta hversu líklegt er að endurskoðunarnefndir íslenskra fyrirtækja séu markvirkar. Tilgáturnar miða að því að skoða samsetningu (e. composition) endurskoðunarnefnda á Íslandi með tilliti til markvirkni þeirra. Samsetning er ein þriggja vídda sem verða að vera til staðar til að markvirkni náist. Bornar eru saman tvær kannanir, annars vegar frá 2012 og hins vegar frá 2016. Framkvæmd kannananna 2012 og 2016 er með sambærilegum hætti og skapast því góður grunnur fyrir samanburð. Einnig er skoðað hvort einhver munur sé á niðurstöðum úr hvorri rannsókn fyrir sig og samanburður er gerður. Tilgangur endurskoðunarnefnda er að tryggja að gæði og áreiðanleiki fjárhagsskýrslna og fjárhagsupplýsinga sé sem mestur, hvort sem um er að ræða skýrslur til stjórnenda félagsins eða til hagsmunaaðila utan félagsins. Tilvist endurskoðunarnefnda tengist því beint góðum stjórnarháttum. Umgjörð og fyrirkomulag endurskoðunarnefnda hefur mikið að segja um hvort þessum tilgangi verði náð eða ekki. Í lögum um ársreikninga nr. 3/2006 er kveðið á um að stjórn viðkomandi einingar sem tengist almannahagsmunum skipi nefndarmenn í endurskoðunarnefnd. Skipunarferli er því mjög mikilvægt og er hluti af góðum stjórnarháttum. Endurskoðunarnefnd fer með hluta af þeim verkefnum sem stjórn hafði áður á sínu borði og tengist því beint góðum stjórnarháttum í fyrirtækjum í gegnum verkefni stjórnar. Kannanirnar 2012 og 2016 voru gerðar meðal stærstu fyrirtækja og stofnana landsins sem falla undir skilgreininguna „einingar tengdar almannahagsmunum”, sbr. lög nr. 79/2008 um endurskoðendur. Rannsóknin bendir til þess að fjölbreytni og sérfræðiþekking hvað varðar samsetningu endurskoðunarnefnda á Íslandi sé viðundandi. Hins vegar er misræmi í niðurstöðum rannsóknarinnar þegar kemur að því að meta óhæði nefndarmanna. Engu að síður má álykta að samsetning endurskoðunarnefnda á Íslandi stuðli að markvirkara starfi þeirra. Samsetning er einn af þremur þáttum er stuðla að markvirkni. Þetta er grundvallaratriði í að skipuleggja og byggja upp starf endurskoðunarnefnda í eftirlitskerfi góðra stjórnarhátta út frá umboðskenningunni.
33
Vilhelmsdóttir, Hildur, and Auður Hermannsdóttir. "Samskipti án orða. Tengsl óyrtrar hegðunar yfirmanns og tilfinningalegrar líðan starfsfólks." Tímarit um viðskipti og efnahagsmál 16, no. 2 (December 30, 2019): 91–104. http://dx.doi.org/10.24122/tve.a.2019.16.2.5.
Повний текст джерелаАнотація:
Líðan starfsfólks getur haft rekstrarleg áhrif á fyrirtæki og því er mikilvægt fyrir stjórnendur að leggja áherslu á að starfsfólki líði vel. Yfirmenn geta aukið líkur á því með því að leggja áherslu á að eiga í góðum samskiptum við það. Markmið rannsóknarinnar var að kanna tengsl á milli upplifunar af óyrtum samskiptum yfirmanns og tilfinningalegri líðan starfsfólks. Einblínt var á þrjár gerðir tilfinningalegrar líðan sem eru mikilvægar þegar kemur að líðan starfsfólks í vinnu; tilfinningalegan stuðning, tilfinningalega vinnu og tilfinningalegt gildi. Í gegnum rafrænt hentugleikaúrtak fengust svör frá 802 einstaklingum á vinnumarkaði. Niðurstöðurnar sýndu að upplifun á óyrtum samskiptum yfirmanna hefur jákvæð tengsl við tilfinningalegan stuðning sem felst m.a. í því að yfirmenn séu aðgengilegir og hlusti á starfsfólk. Upplifun á jákvæðum óyrtum samskiptum yfirmanna reyndist jafnframt draga úr skynjun starfsfólks á tilfinningalegri vinnu en slík vinna getur verið óæskileg og haft neikvæð áhrif á starfsfólk. Að auki sýndu niðurstöðurnar að skynjun starfsfólks á tilfinningalegu gildi er jákvæðara ef það upplifir jákvæð óyrt samskipti frá yfirmanni sínum, en fyrri rannsóknir hafa sýnt að jákvætt tilfinningalegt gildi hefur jákvæð áhrif á starfsánægju og leiðir til jákvæðrar hegðunar inni á vinnistöðum. Miðað við niðurstöður rannsóknarinnar eru það fyrst og fremst óyrt samskipti sem snúa að andlitstjáningu og líkamstjáningu sem skýra tilfinningalega líðan starfsfólks. Yfirmenn ættu því að leggja áherslu á að halda augnsambandi við starfsfólk sitt þegar samskipti eiga sér stað og sýna jákvæð svipbrigði eins og bros. Jafnframt ætti að leggja áherslu á afslappaða en líflega líkamsstöðu, t.d. með því að nota hendurnar þegar talað er. Rannsóknin styrkir fræðilegar undirstöður varðandi samskipti á vinnustað og veitir innsýn í lítið rannsakað viðfangsefni á sviði stjórnunar.
34
Bloch, Dorete, and Bjarni Mikkelsen. "Catch history and distribution of white- sided dolphin (Lagenorhynchus acutus) of the Faroe Islands / Veiðisøga og útbreiðsla av skjórutum springara (Lagenorhynchus acutus) í Føroyum." Fróðskaparrit - Faroese Scientific Journal 57 (February 26, 2017): 190. http://dx.doi.org/10.18602/fsj.v57i0.82.
Повний текст джерелаАнотація:
<p><strong>Ú</strong><strong>r</strong><strong>t</strong><strong>ak: </strong>Síðan 1872 siga veiðihagtølini frá, at uml. 9.435 skjórutir springarar hava lagt beinini í 158 grindum, og tað gevur eitt árligt miðaltal á 68.4 hvalir og 1.1 flokkur. Fyri tey árini, har ið dráp var, er talið 168 hvalir og 2.8 flokkar. Tað, ið árliga hevur verið dripið, hevur ligið um 0-774 hvalir á 1-10 flokkar. Støddin á flokkunum hevur ligið um 1-544 (í miðal 60 hvalir) við 74% < 50 hvalir/flokk. Flestir skjórutir springarar vórðu sæddir sunnan fyri Suðuroynna, og 37% av springarunum úr 20 flokkum eru hildnir til í Vági og Hvalba. Raksturin er í hæddini í september, og eingin hevur verið í mars og desember. Úti á havinum hava hvalir verið sæddir alt árið. Ein mislittur hvalur kom fyri í tveimum drápum.</p><p><strong>A</strong><strong>bstract: </strong>Since 1872, the catch data informs about 9,435 white- sided dolphins taken in 158 drives, an annual average of 68.4 whales and 1.1 pod, and 168 whales and 2.8 pods for only the years containing a catch. The annual catch has ranged 0-774 whales in 1-10 pods. The pod size has ranged 1-544 (avg. 60 whales) with 74% < 50 whales/pod. Most white-sided dolphins were observed south off Suðuroy and 37% dolphins from 20 pods has been killed in Vágur and Hvalba. The drives peak in September and none has occurred in March and December. Offshore the whale has been reported all year round. A discoloured whale occurred in two catches.</p>
35
Arngrímsson, Arnar Davíð, Hersir Sigurgeirsson, and Jakob Már Ásmundsson. "Uppgjör afleiðusamninga: Mat á reglum út frá dómafordæmum." Tímarit um viðskipti og efnahagsmál 15, no. 1 (June 25, 2018): 1–36. http://dx.doi.org/10.24122/tve.a.2018.15.1.1.
Повний текст джерелаАнотація:
Alþjóðlegar reglur og venjur um framkvæmd afleiðusamninga hafa í gegnum tíð- ina mótast af dómafordæmum. Saga afleiðusamninga á Íslandi er stutt og framan af komu ekki mörg deilumál til kasta dómstóla. Þetta breyttist í kjölfar banka- hrunsins árið 2008 þegar fjölmörg ágreiningsefni vegna afleiðusamninga rötuðu fyrir dómstóla. Í greininni er farið yfir helstu dóma, sem fjalla um uppgjör afleiðu- samninga, með það að markmiði að draga fram þær reglur og leiðbeiningar sem íslenskir dómstólar hafa gefið um uppgjör slíkra samninga undanfarin ár. Reifaðar eru niðurstöður 35 hæstaréttardóma. Ágreiningsefnum aðila er skipt í sjö flokka: (1) heimildir til afleiðuviðskipta, (2) gengisviðmiðun gjaldmiðlasamninga, (3) reiknireglur við uppgjör, (4) forsendu- brestur, (5) skuldajöfnun, (6) viðbrögð bankanna við yfirtöku Fjármálaeftirlitsins og (7) áhrif af yfirtöku Fjármálaeftirlitsins. Meðal helstu niðurstaðna er að öllum er heimilt samkvæmt lögum að gera af- leiðusamninga og framvirkir samningar um hlutabréf teljast ekki flóknir fjármála- gerningar. Miða skal við viðmiðunargengi Seðlabanka Íslands í uppgjöri gjald- miðlasamninga ef annað viðmið er ekki sérstaklega tiltekið og samningur, sem verður til við framlengingu á eldri samningi, telst nýr sjálfstæður samningur. Fjallað er um áhrif yfirtöku Fjármálaeftirlitsins á bönkunum á stöðu afleiðu- samninga og viðbrögð bankanna við yfirtökunni gagnvart viðskiptavinum með opna afleiðusamninga. Viðbrögðin voru mismunandi en Landsbanki Íslands og Glitnir ákváðu að senda viðskiptavinum sínum tilkynningu varðandi lokun samn- inganna. Tilkynning Landsbanka Íslands þótti óljós og túlka þurfti þýðingu hennar út frá viðbrögðum hvers viðskiptavinar sem leiddi til mismunandi meðferðar ein- stakra viðskiptavina.
36
Guðbjartsson, Einar, Eyþór Ívar Jónsson, and Jón Snorri Snorrason. "Endurskoðunarnefndir: Gagnsæi og traust til fjárhagsupplýsinga." Tímarit um viðskipti og efnahagsmál 18, no. 2 (December 27, 2021): 83–98. http://dx.doi.org/10.24122/tve.a.2021.18.2.6.
Повний текст джерелаАнотація:
Einn mest áberandi þáttur í góðum stjórnarháttum síðustu tvo áratugina hefur verið endurskoðunarnefnd, sem fer með hluta af störfum sem stjórn hafði áður á sínu borði. Endurskoðunarnefnd er m.a. ætlað það hlutverk að auka traust almennings á fjárhagslegum upplýsingum á almennum fjármagnsmarkaði. Gagnsæi og traust eykst ekki sjálfkrafa. Vandaðir og heiðarlegir starfshættir eru nauðsynlegir til þess að öðlast traust haghafa. Rannsókn þessi felur í sér spurninguna um hvort að endurskoðunarnefndir auki gagnsæi og traust á fjárhagsupplýsingum fyrirtækja. Greinin byggir á tveimur könnunum, annars vegar frá 2016 þar sem nefndarmenn endurskoðunarnefnda í einingum tengdum almannahagsmunum voru þátttakendur og hins vegar frá 2018 þar sem ytri endurskoðendur voru þátttakendur. Í greininni er fjallað um afstöðu og álit þátttakenda varðandi tilkomu endurskoðunarnefnda gagnvart gagnsæi og trausti m.t.t. fjárhagsupplýsinga. Slík rannsókn hefur ekki verið gerð áður á Íslandi. Tilgátur voru settar fram um hvað væri álit og afstaða hópanna varðandi tilkomu endurskoðunarnefnda. Niðurstöður eru m.a. að meirihluti nefndarmanna og ytri endurskoðendur telja að bæði gagnsæi og traust hafi aukist með vinnuframlagi nefndarmanna í endurskoðunarnefndum. Það vekur þó athygli í rannsókninni að niðurstaðan er ekki eins afgerandi og ætla hefði mátt, þ.e. stór hópur bæði nefndarmanna og ytri endurskoðenda telur að tilkoma endurskoðunarnefnda hafi ekki aukið gagnsæi og traust m.t.t. fjárhagsupplýsinga. Sú niðurstaða kallar á frekari rannsóknir, t.d. með því að spyrja fleiri hagaðila um álit þeirra á endurskoðunarnefndum og hlutverki þeirra í að auka gagnsæi og traust. Þetta kallar enn fremur á rannsóknir sem miða að því að meta markvirkni endurskoðunarnefnda í stjórnarháttarkerfi fyrirtækja tengdum almannahagsmunum.
37
Óladóttir, Ásta Dís, Sigrún Gunnarsdóttir, Þóra H. Christiansen, and Erla S. Kristjánsdóttir. "Reynsla stjórnarkvenna af forystuhæfni, tengslaneti og stuðningi við konur til að gegna forstjórastöðu." Tímarit um viðskipti og efnahagsmál 19, no. 2 (December 19, 2022): 1–22. http://dx.doi.org/10.24122/tve.a.2022.19.2.1.
Повний текст джерелаАнотація:
Þrátt fyrir ýmsar formlegar og kerfislægar framfarir á undanförnum árum til þess að jafna kynjamun hér á landi, eru aðeins þrjár konur forstjórar í skráðum félögum árið 2022, á móti 19 körlum. Tvær þeirra voru forstjórar sinna félaga er þau voru skráð á markað, en Ásta S. Fjeldsted var ráðin forstjóri í skráðu félagi þann 7. september 2022, eftir auglýsingu. Nýleg rannsókn hér á landi leiddi í ljós upplifun stjórnarkvenna skráðra félaga af valdaleysi og skorti á fagmennsku í tengslum við ráðningar forstjóra. Samkvæmt fyrri rannsóknum snýr forystuhæfni forstjóra sem tengist fjárhagslegum árangri fyrirtækja einkum að staðfestu, félagslegri færni og auðmýkt, en fáar rannsóknir varpa ljósi á mat á forystuhæfni kvenna til þess að gegna æðstu stjórnunarstöðum. Þessi rannsókn beinir sjónum að upplifun stjórnarkvenna, sem sitja í stjórnum allra skráðra félaga hér á landi, af mati á forystuhæfni kvenna til þess að gegna forstjórastöðum í skráðum félögum, og af áhrifum tengslanets og stuðnings við konur á ferli og útkomu ráðninga í forstjórastöður í skráðum félögum. Tekin voru viðtöl við 22 konur sem eiga sæti í stjórnum allra skráðra félaga á Íslandi og rannsóknarspurningin sem lagt var upp með er: Hver er reynsla stjórnarkvenna í skráðum félögum af því hvað hefur áhrif á mat á hæfni kvenna til að gegna starfi forstjóra í skráðu félagi? Niðurstöðurnar sýna að stjórnarkonur telja konur hæfar til að gegna forstjórastöðunni, en þegar til ráðninga forstjóra skráðra félaga kemur eru þær þó ekki ráðnar til starfanna þar sem áhrif karla, tengslanet og íhaldssamar staðalímyndir af forystuhæfni kvenna og árangursríkri forystu virðast ráða ákvörðunum, og þar með aukast líkur á því að horft sé fram hjá hæfum konum við forstjóraval. Í niðurstöðunum felast skilaboð um tækifæri fyrir stjórnir skráðra félaga til þess að auka gæði ráðninga forstjóra og jafna kynjamun með auknum fjölbreytileika og með því að miða ráðningarnar við árangursríka hæfni til forystu.
38
Larsen, Guðrún, and Þórdís Högnadóttir. "Ljósmyndir Þorláks Sverrissonar í Vík: Kötlugosið 1918 í nýju ljósi." Jökull 71, no. 71 (December 8, 2021): 95–114. http://dx.doi.org/10.33799/jokull2021.71.095.
Повний текст джерелаАнотація:
Þorlákur Sverrisson kaupmaður í Vík í Mýrdal tók ljósmyndir af Kötlugosinu 1918 „frá byrjun til enda“ svo vitnað sé í hans eigin orð. Raunvísindastofnun fékk 18 glerplötur að gjöf frá erfingjum hans og eftirmyndir af 17 þeirra birtast hér ásamt skýringum og tilraun til tímasetninga. Ef tímaröðin, sem hér er kynnt, er nærri lagi eru myndirnar teknar frá 12. október til 2. nóvember 1918. Samkvæmt henni var fyrsta myndin tekin í Víkurþorpi 12. október, á fyrsta gosdegi og sýnir gosmökk vofa yfir húsunum. Önnur mynd frá sama degi var tekin norðan Víkur og sýnir háan gráleitan mökk yfir Höttu. Þessar tvær gætu verið fyrstu myndir í heiminum sem teknar voru af sprengigosi í jökli. Eftir fyrstu þrjá dagana sljákkaði í gosinu. Fjórar myndir sem sýna lægri gosmökk, meðal annars tvo aðgreinda gosmekki upp úr jöklinum, voru teknar á tímabilinu 15. til 20. október. Mekkirnir eru hvítir að sjá á myndunum og virðast að mestu vatnsgufa. Mynd frá 22. október sýnir dökkgráan öskumökk yfir fjöllunum norðan Víkur, rétt áður en hann fór að hrynja yfir fjallabrúnirnar og aska fór að falla í þorpinu. Mynd frá 24. október sýnir dökkan mökk yfir Höttu kolsvartri af ösku og einnig virðast upptök makkarins nú austar en áður. Öskufall hófst í Vík síðdegis þann dag og stóð í 13 klst. Fjórar myndir voru teknar 2. nóvember, síðasta daginn sem verulegur gosmökkur sást. Auk mynda af gosmekki tók Þorlákur myndir af hlaupfarvegum og ísgljúfri sem varð til þegar jökulhlaup braust fram undan/úr jaðri Kötlujökuls og braut a.m.k. 1300 m langt og allt að 300 m breitt skarð í hann. Myndir Þorláks eru þær einu sem þekktar eru af þessu gljúfri. Vísindalegt gildi myndanna er töluvert og í þeim eru meiri upplýsingar en dæmin sem tekin eru hér. Þær sýna breytileikann í sprengivirkninni og staðfesta færslu gosstöðvanna meðan á gosinu stóð. Hægt er að reikna hæð gosmakkar og miða út upptök hans. Þær sýna hlaupfarvegi á Mýrdalssandi og hægt er að meta flóðmörk meginhlaupsins á ofanverðum sandinum. Sumar myndanna hafa látið á sjá en með nútímatækni er hægt að laga þær og skerpa og nýta til fulls.
39
Larsen, Guðrún, and Þórdís Högnadóttir. "Ljósmyndir Þorláks Sverrissonar í Vík: Kötlugosið 1918 í nýju ljósi." Jökull 71, no. 1 (December 15, 2021): 95–114. http://dx.doi.org/10.33799/jokull2021.71.095o.
Повний текст джерелаАнотація:
Þorlákur Sverrisson kaupmaður í Vík í Mýrdal tók ljósmyndir af Kötlugosinu 1918 „frá byrjun til enda“ svo vitnað sé í hans eigin orð. Raunvísindastofnun fékk 18 glerplötur að gjöf frá erfingjum hans og eftirmyndir af 17 þeirra birtast hér ásamt skýringum og tilraun til tímasetninga. Ef tímaröðin, sem hér er kynnt, er nærri lagi eru myndirnar teknar frá 12. október til 2. nóvember 1918. Samkvæmt henni var fyrsta myndin tekin í Víkurþorpi 12. október, á fyrsta gosdegi og sýnir gosmökk vofa yfir húsunum. Önnur mynd frá sama degi var tekin norðan Víkur og sýnir háan gráleitan mökk yfir Höttu. Þessar tvær gætu verið fyrstu myndir í heiminum sem teknar voru af sprengigosi í jökli. Eftir fyrstu þrjá dagana sljákkaði í gosinu. Fjórar myndir sem sýna lægri gosmökk, meðal annars tvo aðgreinda gosmekki upp úr jöklinum, voru teknar á tímabilinu 15. til 20. október. Mekkirnir eru hvítir að sjá á myndunum og virðast að mestu vatnsgufa. Mynd frá 22. október sýnir dökkgráan öskumökk yfir fjöllunum norðan Víkur, rétt áður en hann fór að hrynja yfir fjallabrúnirnar og aska fór að falla í þorpinu. Mynd frá 24. október sýnir dökkan mökk yfir Höttu kolsvartri af ösku og einnig virðast upptök makkarins nú austar en áður. Öskufall hófst í Vík síðdegis þann dag og stóð í 13 klst. Fjórar myndir voru teknar 2. nóvember, síðasta daginn sem verulegur gosmökkur sást. Auk mynda af gosmekki tók Þorlákur myndir af hlaupfarvegum og ísgljúfri sem varð til þegar jökulhlaup braust fram undan/úr jaðri Kötlujökuls og braut a.m.k. 1300 m langt og allt að 300 m breitt skarð í hann. Myndir Þorláks eru þær einu sem þekktar eru af þessu gljúfri. Vísindalegt gildi myndanna er töluvert og í þeim eru meiri upplýsingar en dæmin sem tekin eru hér. Þær sýna breytileikann í sprengivirkninni og staðfesta færslu gosstöðvanna meðan á gosinu stóð. Hægt er að reikna hæð gosmakkar og miða út upptök hans. Þær sýna hlaupfarvegi á Mýrdalssandi og hægt er að meta flóðmörk meginhlaupsins á ofanverðum sandinum. Sumar myndanna hafa látið á sjá en með nútímatækni er hægt að laga þær og skerpa og nýta til fulls.
40
Guðmundsson, Birgir. "Stjórnlagaþing, fjölmiðlar og frambjóðendur. Rannsókn á kynningarmálum frambjóðenda fyrir stjórnlagaþingskosningar 2010." Veftímaritið Stjórnmál og stjórnsýsla 6, no. 2 (December 15, 2010). http://dx.doi.org/10.13177/irpa.b.2010.6.2.2.
Повний текст джерелаАнотація:
Hefðbundnir fjölmiðlar voru ekki í aðalhlutverki við kynningu og umfjöllun um einstaka frambjóðendur í kosningunum til stjórnlagaþings í nóvember 2010. Persónukjör með landið sem eitt kjördæmi þar sem yfir 500 frambjóðendur voru í kjöri er fyrirkomulag sem ekki hentar verklagi og vinnubrögðum hefðbundinna miðla og því er lýðræðislegt hlutverk þeirra takmarkað að þessu leyti. Í greininni er greint frá niðurstöðum könnunar meðal frambjóðenda til þingsins á því hvernig þeir höguðu kynningarmálum sínum og kemur í ljós að netmiðlar voru í aðalhlutverki, sérstaklega samfélagsvefurinn Facebook og miðlar sem ekki teljast til stóru hefðbundnu miðlanna. Í gegnum þessa miðla reyndu frambjóðendur að koma sér og stefnumálum sínum á framfæri inn í almannarými þjóðfélagsumræðunnar. Lítil sem engin tilraun var gerð meðal frambjóðenda til að kaupa sér leið inn í almannarýmið með auglýsingum.
41
Einarsdóttir, Jóhanna, and Hrönn Pálmadóttir. "Hvaða augum líta börn leikskólakennara? Hlutverk og miðlun gilda í leikskólum." Netla, February 11, 2020. http://dx.doi.org/10.24270/serritnetla.2019.33.
Повний текст джерелаАнотація:
Greinin byggir á tveimur rannsóknum þar sem leitað var eftir hugmyndum barna um hlutverk og ábyrgð leikskólakennara. Þannig var reynt að skilja þau ómeðvituðu og meðvituðu gildi sem starfsfólk leikskóla miðlar til barna. Byggt er á hugmyndafræði bernskurannsókna þar sem litið er svo á að bernskan sé félagslega mótuð og lögð er áhersla á sjónarmið og þátttöku barna. Jafnframt er tekið mið af Samningi Sameinuðu þjóðanna um réttindi barnsins (1992) sem lagði mikilvægan grunn að réttindum og hæfni barna og áhersla er lögð á rétt barna til að tjá skoðanir sínar á málefnum sem varða þau. Markmiðið með greininni er að varpa ljósi á sýn barna á hlutverk fullorðinna í leikskólanum og út frá því er leitast við að greina þau gildi sem starfsfólkið miðlar til barnanna í daglegu starfi. Niðurstöður rannsóknanna sýndu að í augum barnanna voru hlutverk starfsmanna margþætt og flókin og snerust um að stjórna, veita umhyggju, að veita stuðning og að vera leikfélagi. Þessi fjögur hlutverk voru flokkuð og greind í þrjú samofin gildi: Aga, umhyggju og þátttöku. Rannsóknin sýnir hæfni barnanna til að tjá reynslu sína og sjónarmið á fjölbreyttan hátt og mikilvægi þess að starfsfólk leikskóla hlusti á sjónarmið barna í daglegu starfi leikskólans.
42
Gaini, Firouz. "Internet Chatting in the Faroe Islands. New forms of communication among young people." Fróðskaparrit - Faroese Scientific Journal, December 31, 2006, 62–70. http://dx.doi.org/10.18602/fsj.v54i.283.
Повний текст джерелаАнотація:
Úrtak
At nýta alnetið til kjatt hevur seinastu árini vunnið størri og størri útbreiðslu millum børn og ung í Føroyum eins og í flest øllum øðrum evropeiskum londum. Kjatt mentanin hjá ungum í Føroyum er merkt av heimligari tillaging av alheims kunningar- og sam skiftistøkni. Tað almennið, sum serliga verður sett í samband við tað premodernaða samfelagið, rísur upp aftur í nýggjum hami í cyberspace: kjattsamskiftið verður ikki stýrt av tí borgar liga almenninum; tað er frælst og beinleiðis sam skifti, leyst av teimum mentanarligu og politisku elitunum í samfelagnum. Henda greinin byggir á kanningararbeiði millum føroysk ungfólk 2003-04 og miðar eftir at dagføra tað heimliga kjakið um miðlar frá 1980’unum og 1990’unum út frá tilvísingum til nýggj granskingarúrslit úr ymsum londum.
Abstract
The use of internet for chatting has during the last years gained extensive popularity among children and young people in the Faroe Islands as in most other European countries. The youth chat culture of the Faroe Islands is characterised by local adaptation of global technologies of information and communication. The revival of the popular public sphere, which used to be associated with pre-modern society, is obvious in cyberspace: chat communication is not ruled by any “bourgeois” publicsphere; it is free direct commun icat ion uncontrolled by the cultural or political elites of society. This article is based on fieldwork among Faroese youth 2003-04 and aims to elaborate and update the local media debate of the 1980s and 1990s with reference to new research results from different countries.
43
Gaard, Paula. "“Vembur má hann duga at vaska” – krøv til ummælaran og ummælið sum tekstslag í samskiftinum millum Tórodd Poulsen og ummælararnar / “He must know how to clean rumen” – What it takes to be a critic and literary criticism as a genre in the communication between Tóroddur Poulsen and his critics." Fróðskaparrit - Faroese Scientific Journal, December 5, 2022, 96–109. http://dx.doi.org/10.18602/fsj.v67i.136.
Повний текст джерелаАнотація:
ÚrtakGreinin varpar ljós á bókmentaummæli sum samskifti millum ummælara og skald. Við tí útbreidda uppáhaldinum í huga at ummæli eru hótt tekstslag, verður royndarborað í eitt úrval av samskiftinum millum Tórodd Poulsen skald og ummælarar hansara og víst á, at skaldskapur Tórods er dømi um, at ummæli í breiðastu merking avmarka seg ikki til teir miðlar, sum verða hildnir at treyta tey, og til tey tekstslagskrøv, sum skilmarka tey.AbstractThe article discusses literary criticism as communication between the critic and the poet. Considering the claim that the literary review is a threatened genre, the article delves into a selection of the ongoing dialog between Faroese poet Tóroddur Poulsen and his critics. It is argued that the poetic texts of Poulsen can serve as examples of how literary reviews, understood in the widest sense, are not restricted to the media they are often perceived as depended upon and that they can transgress the criteria defining their genre.
44
Ólafsdóttir, Sigríður, Rannveig Björk Þorkelsdóttir, and Hanna Ólafsdóttir. "Sköpun í stafrænum heimi: Sjónarmið myndmenntakennara." Netla, June 1, 2019. http://dx.doi.org/10.24270/netla.2018.12.
Повний текст джерелаАнотація:
Markmið rannsóknarinnar var að kanna notkun snjalltækja í listgreinum. Í ljósi aukinnar notkunar snjalltækja í skólastarfi og mikilvægis skapandi hugsunar er leitast við að kanna hvernig slík tæki eru notuð í myndmenntakennslu. Jafnframt er markmiðið að kanna notkunarmöguleika tækninnar í myndmennt og tækifæri til sköpunar. Í rannsókninni var notuð eigindleg rannsóknaraðferð og tekin hálfopin viðtöl við fjóra myndmenntakennara og einn margmiðlunarkennara sem starfa í grunnskólum á höfuðborgarsvæðinu. Tilgangurinn var að svara eftirfarandi rannsóknarspurningum: Hver er tilgangurinn með notkun snjalltækja í myndmennt, hvernig nota kennarar tækin í kennslu og hver eru tækifærin til sköpunar? Í þessari grein eru skoðuð viðhorf kennara til tækninnar og snjalltæki sem verkfæri skoðuð. Niðurstöður leiddu í ljós að snjalltæki eru notuð sem tiltekin verkfæri í myndmenntakennslu en þau nýtast nemendum við upplýsingaleit, hugmyndavinnu og efnisleit. Notkun snjalltækja kemur ekki í staðinn fyrir hefðbundnar aðferðir í myndmennt heldur er meginhlutverk þeirra að styðja vinnuferli og verkefni nemenda. Þrátt fyrir takmarkaða notkun snjalltækja í myndmennt og ólík viðhorf kennara til notkunar tækninnar í greininni gefa niðurstöður til kynna að upplýsingatækni og gagnvirkir miðlar geti ef lt skapandi hugsun nemenda. Færni nemenda til sköpunar og þekking þeirra á tækninni gegnir þar stóru hlutverki. Í myndmennt geta skapast tækifæri fyrir kennara til að breyta kennsluháttum sínum með því að nýta snjalltæki á virkan hátt við ný verkefni sem annars væru óframkvæmanleg. Þannig getur tæknin bæði nýst til að breyta nálgun og stutt hefðbundnar aðferðir.
45
Gaini, Firouz. "Young kalaallit men’s negotiation of masculinity / Maskulinitetsval hjá ungum kalaallit monnum." Fróðskaparrit - Faroese Scientific Journal, February 25, 2020, 1. http://dx.doi.org/10.18602/fsj.v0i0.113.
Повний текст джерелаАнотація:
<p><strong>Úrtak</strong><br />Í hesari greinini kanna vit sjónarmiðini hjá ungum kalaallit monnum viðvíkjandi kynssamleika og mentan, við serligum denti á lýsingum teirra av kalaaleq manninum og sosialu marginaliseringini av honum í samfelagnum. Við støði í kvalitativum empiriskum tilfari, ið varð savnað saman á vári 2014, vísir greinin, hvussu tætt samband er millum ráðandi myndirnar av siðbundna <br />veiðumanna-lívsstílunum og kjakið um sosialu og mentanarligu trupulleikarnar, sum grønlendskir menn stríðast við í dag. Eg meti samleika-arbeiðið hjá monnum í dag, at vera merkt av siglingini millum mentanarligar forteljingar um kalaallit forfedrarnar og nýggjar myndir av monnum, sum talgildir miðlar og modernað býarlív breiða út. Ungir menn brúka margfaldar maskulinitetir úr<br />ymsum keldum at greiða frá teirra máta at vera ein kalaallit mann uppá.</p><p><strong>Abstract</strong><br />This article investigates young kalaallit’s perspectives on gender identity and culture with focus on their presentations of kalaaleq man and social marginalization. Relying on qualitative data collected during a field trip<br />to Nuuk in spring 2014, this article outlines the close connection between dominant (gendered) images of the traditional hunter lifestyle and discourses on the social and cultural predicaments of contemporary man in Greenland. I suggest men’s identity negotiation process to be characterized by navigation between cultural narratives on their kalaallit ancestors and alternative images of man disseminated by electronic media and through the modern urban setting. Young men use multiple masculinities from different sources to express their ways of being kalaallit men. </p>
46
Sigurðardóttir, Ingibjörg Ósk. "„Að geta átt góð samskipti við aðra – ég held að það sé mikilvægast“ Gildamenntun í leikskóla." Netla, November 30, 2020. http://dx.doi.org/10.24270/netla.2020.10.
Повний текст джерелаАнотація:
Rannsóknin byggir á gögnum úr starfendarannsókn sem unnin var í samstarfi við sjö leikskólakennara á höfuðborgarsvæðinu og stóð yfir í 24 mánuði. Markmiðið var að kanna viðhorf leikskólakennaranna til gilda og gildamenntunar (e. values education) og skoða hvernig þeir miðla gildum til leikskólabarna. Hér verður leitast við að svara eftirfarandi rannsóknarspurningum: 1) Hvaða gildi telja leikskólakennarar mikilvægast að miðla til leikskólabarna og hvers vegna? 2) Hvernig líta leikskólakennarar á eigið hlutverk í gildamenntun? 3) Hvernig miðla leikskólakennarar gildum til barna?Í rannsókninni er stuðst við skilgreiningu Halstead og Taylor (2000) um að gildi séu eins konar reglur og grundvallarsannfæring sem leiðbeina fólki varðandi hegðun. Litið er svo á að gildi fólks birtist bæði í huga þess og athöfnum (Hitlin og Piliavin, 2004; Tappan, 2006).Stuðst er við félagsmenningarlegt viðhorf til náms (e. sociocultural perspective) þar sem litið er á að nám sé óaðskiljanlegt frá því félagslega samhengi sem það fer fram í (Säljö, 2005; Vygotsky, 1978). Kenning Habermas um samskipti (e. theory of communicative action) var nýtt til þess að greina hvernig kennarar miðla gildum. Habermas taldi að nám færi að mestu fram í gegnum samskipti og lagði áherslu á að þess vegna ætti að leggja meiri áherslu á samskipti í menntun barna, þar sem börnin væru virkir þátttakendur (Edgar, 2006; Habermas, 1995).Niðurstöðurnar sýna að leikskólakennararnir sem tóku þátt í rannsókninni völdu að leggja áherslu á umhyggju, virðingu og aga. Þessi þrjú gildi voru valin vegna þess að þau voru talin styðja við félagsfærni barnanna. Leikskólakennararnir töldu sitt hlutverk í gildamenntun einkum felast í að vera góðar fyrirmyndir en einnig kom fram að mikilvægt væri að nota orð og hugtök sem börnin skildu yfir þau gildi sem ætti að leggja áherslu á. Gildamenntun var frekar dulin í starfinu í upphafi, en varð skýrari þegar leið á starfendarannsóknina.
47
Arnþórsson, Haukur. "Útgáfa fræðitímarita á netinu." Veftímaritið Stjórnmál og stjórnsýsla 9, no. 2 (December 15, 2013). http://dx.doi.org/10.13177/irpa.b.2013.9.2.1.
Повний текст джерелаАнотація:
Úr upphafsorðum: Á vegum veftímaritsins Stjórnmál og stjórnsýsla (Icelandic Review of Politics and Administration, IRPA), sem gefið er út af Stofnun stjórnsýslufræða og stjórnmála, hefur á árinu 2013 verið unnið að ýmsum breytingum á útgáfunni og ber þar einna hæst upptöku nýs ritstjórnar- og dreifingarkerfis. … Með upptöku kerfisins eykst fagmennska við vinnslu tímaritsins og stuðningur við höfunda stóreykst. … Hér verður reynt að miðla þeirri reynslu og sýn sem aðstandendur tímaritsins hafa öðlast á árinu í þessu verkefni.
48
Helgason, Árni B. "Réttmæti skattheimtu." Veftímaritið Stjórnmál og stjórnsýsla 4, no. 1 (June 15, 2010). http://dx.doi.org/10.13177/irpa.b.2008.4.1.5.
Повний текст джерелаАнотація:
Hráefni og orkugjafar jarðar mynda stofninn að margháttuðu úrvinnsluferli um alla jörð - ferli sem birtist í flestum athöfnum og viðskiptum manna, framleiðslu jafnt sem þjónustu af óendanlega fjölbreyttum toga, sem á endanum miðar að einhvers konar neysluverðmætum. Hvert sem gjaldið er eða skatturinn sem hið opinbera heimtir af þessum athöfnum og viðskiptum, og hvort sem það heimtist af frumvinnslu, úrvinnslu eða af hvers kyns þjónustu, af rekstri, af fjármagni eða af almennum tekjum einstaklinga, þá er það í raun ávallt almenningur sem greiðir reikninginn að lokum, burtséð frá því hversu einfalt eða flókið ferli hefur annars mótað hinn margvíslega neysluvarning eða gert þjónustu kleifa, allt frá frumrótum.
49
Kaldakvísl, Dalrún. "Sjálfstæðar mæður: Ráðskonustarfið sem bjargráð fyrir einstæðar mæður á síðari hluta 20. aldar." Ritið 24, no. 1 (April 2024). http://dx.doi.org/10.33112/ritid.24.1.6.
Повний текст джерелаАнотація:
Í þessari grein er sjónum beint að sögu einstæðra mæðra sem gerðust ráðskonur í sveit á síðari hluta 20. aldar. Greinin byggir á viðtölum sem tekin voru við fyrrum ráðskonur, í því skyni að miðla sjónarhorni kvennanna sjálfra. Rýnt er í ástæðurnar að baki því hvers vegna konur réðu sig í ráðskonuvist á sveitaheimili á þessu tímabili Íslandssögunnar, sem einkenndist af sívaxandi sókn kvenna á vinnumarkaðinn og mikilli uppbyggingu velferðarkerfisins. Fjallað er um hvernig ráðskonustarfið þjónaði sem hálfgildings félagslegt úrræði fyrir einstæðar mæður sem voru á hrakhólum í efnahagslegu og atvinnulegu tilliti – úrræði sem gagnaðist mörgum einstæðum mæðrum vel en var engu að síður brigðult líkt og sögur þeirra sýna.
50
Guðmarsdóttir, Sigríður. "Sálmabókarsköp. Guðsmóðir, safnaðarsöngur og kirkjulist Kristínar Gunnlaugsdóttur." Ritið 23, no. 2 (September 2023). http://dx.doi.org/10.33112/ritid.23.2.1.
Повний текст джерелаАнотація:
Sálmabók íslensku kirkjunnar kom út árið 2022 og leysti af hólmi samnefnda sálmabók frá árinu 1972. Í þessari grein verður rýnt í myndmál sálmabókarinnar og spurt hvar finna megi merki um móðurlíkamann, hvernig forn tákn Maríu séu notuð í sálmabókinni og hvers konar kynhlutverk þyki sæma kirkjulist og safnaðarsöng í samtímanum. Á síðustu áratugum hafa áhrifamestu Maríutúlkanir á Íslandi sprottið fram í myndlist Kristínar Gunnlaugsdóttur. Umfjöllunin í greininni einskorðast við þau verk Kristínar sem flokka má sem kirkjulist, það er listaverk sem staðsett eru í kirkjum, kapellum og helgum stöðum þar sem fjölbreytt kirkjustarf fer fram. Með því að tengja saman „sálmabók“ og „sköp“ í titli greinar nýtir greinin orðaleik Kristínar og kannar hvers konar sköpum sé miðlað í sálmabókinni og hvaða kynhlutverk liggi þar að baki. Í orðaleiknum felst einnig sú áhersla að sálmabók sé ritstýrt sköpunarverk með kynjaðan boðskap til síns samtíma.